Popular Bible Verses from Luke 1

Share

Ijeh-inem itile Pathen na dinga ahitheilou imacha umlou ding ahi, ati.

Hichun Mariam'in, Ven, keima Pakai sohnu kahi, kachungah nasei bangbang chun lhunghen, ati. Chuphatnin vantil chu amanu koma konin achemang tan ahi.

Chuin vantil chun adonbutnin, ajah-a, Lhagao Theng nachungah hung chuntin, chule Chungnung pen thilbol theinan nahin lekhu ding ahi: chule hiche jeh-a chu ahung peng ding athenga chu Pathen Chapa kiti ding ahi.

Chule atahsan nu chu anunnom ahi; ijeh inem itile Pakaiyin ajah-a thu asei chengse chu hung guilhun ding ahi, ati.

Chule ven, gaijin natin, chapa khat nahin ding, chule amin JESU nasah ding ahi. Ama chu hung len ding, chule Chungnung pen Chapa kiti ding ahi: chule Pakai Pathen'in ama chu apu David laltouna apeh ding ahi. Ama Jacob sonho chunga leng changa, atonsot atonsot geija vai apoh ding, agamin itihchan hijongle kichaitih anei lou ding ahi, ati.

Chuin vantil chun amanu jah-a, Kicha hih-in, Mariam, ijeh-inem itile Pathen lungdeilam nahi.