Popular Bible Verses from John 6

Share

Jesu'n ajah uva, Keima hi hinna changlhah kahi; kahenga hunga chu gilkel talou ding, chule keima eitahsana chu dangchah talouhel ding ahi.

Hinna pe-a lhagaobou ahi, tahsaphen imacha aphatchom sahpoi; najah uva kathusei chengse hi, lhagao ahin chule hinna ahi.

Amang thahji an holnan thohgim hih-un, tonsot hinkemlouva umjing ding an holnan thohgim jouvin, hiche an chu Mihem Chapan napeh dingu ahi; ajeh chu Pa Pathen'in ama chu mohor anamdet ahitai, ati.

Chule eisolpa lunggot chu hiche ahi, koi hile Chapa mu-a, Ama tahsan chan chun, tonsot hinna anei ding ahi; chule keiman ninunung nileh ama kakaithou ding ahi, ati.

Jesu'n adon butnin ajah uvah, Ahinsol hi tahsan leuchun hichu Pathen natoh ahi, ati.

Ka Pan keima eipeh chengse chu kahenga hung ding; chule kahenga hunga chu iti jongle kaledoh lou ding ahi.

Chuin Simon Peter'in adonbutnin, Pakai, keiho koi henga kache dinguham? Nangman Tonsot hinna thuho nanei ahi.

Keima hi van'a hungkon changlhah hing chu kahi; koi hijongle hiche changlhah ne-a chu, tonsot geija hing jing ding ahi; chule kapeh ding changlhah chu kaphe hi ahi; hichu vannoi mite hinna dinga kapeh ding ahi.

Eisola ka Pan aloilut loule koima kahenga ahung theipoi; chule ni nunung nileh keiman ama chu kakaithou ding ahi.

Ijeh-inem itile Pathen changlhah chu, van'a kona hung kumlha vannoi hinna pepa chu ahi, ati.

Keima hinna changlhah chu kahi.

Chuin Jesu'n changlhah alan; thangvahna aneijouvin aseijuiho ahoppeh-in, chule seijui hon atouho chu ahoppeh-un; chutobang chun nga jong chu, agot chanun apeuvin ahi. Chuin amaho avasoh phatnun, aman aseijuite jah-a, Hitiho chu amangthah um louhelin, amoh anong chengse chu lohkhomun, ati.

Hitichun ching somni le ching nga ahim ching somthum ahim ajap lhungun, Jesu'n twi chunga lam ajotna kong lam ahinjot amuvin ahile, akichataove. Ahin aman amaho jah-a, Keima kahibouve, kicha hih-un, ati.