Popular Bible Verses from John 19

Share

Chuin Jesu'n theitwi thuh chu adonin, Akichaitai, ati. Chuin akaikun alhagao alhadohtan ahi.

Hiche jou chun Jesu'n thil ijakai akichai soh chu ahen, Pathen lekhabua thu chu guilhunsoh theinan, Kadang achah-e, ati.

Chuin Jesu'n anu le aman angailut aseijui chu akoma adin amu phat chun, anu jah-a, Numei, ven, nachapa chu, ati. Chuin aseijui jah-a ma chun, Ven, nanu chu, ati. Chuin hiche-a pat chun seijui chun anu chu ama in'ah apuitai.

Ahin Jesu kom ahung geijun, athisa anahitah chu amuvin, akeng ahehbong tapouve. Ahi vangin sepaiho lah-a tengcha choi khat chun atengin anah agahsunin ahile, chua chun thisan le twisih ahung longlha paijen jengin ahi.

Pathen lekhabua, Agu khatcha jong kihehbong lou ding, ati chu guilhuna dinga, thil hicheng chu soh-a ahitai. Pathen lekhabu thu dangman, Amahon asutpao chu avet dingu ahi, ati.

Chuin athingpel akiputnin Lugu mun atiu, Hebrai paova Golgotha atiu, mun chu jonin achedoh tan ahi.

Chuin sepaihon ling lukhuh aphanun, alua akhuhpeh-un, chule ponsandup asilpeh-un