Popular Bible Verses from John 14

Share

Lungmon kadalhahpeh nahiuve; kalungmon kapeh nahiuve; kapeh hi vannoi mi peh bang ahipoi; nalungu donsah hih-un, kicha jong kicha hih-un.

Jesu'n ajah-a, Keima hi lampi, thutah, chule hinna chu kahi; keija che lou chu koima Pa kom alhungpoi.

Nangho lungkham hih-un; Pathen tahsanun, keima jong neitahsanun.

Ahinla Pan kamina ahinsol ding Lhamonsah, Lhagao Theng chun, imajouse nahil sohkei dingu, chule najah uva kathusei chengse hi nageldohsah dingu ahi.

Kathupeh ho neija chule nitna chu, eingailua ahi; chule keima eingailua chu ka Pan angailut ding, chule keiman ama chu kangailut na, ahenga kakiphon ding ahi, ati.

Keima Pa henga taoving ting, chule Aman nangho a-imatih chana naumpi jing dingu, Lhamonsah achom dang khat napeh dingu; Thutah Lhagao ngeichu napeh dingu ahi; amachu vannoi'in asang thei pouve, ajehchu mu jong amupouvin, he jong ahepouve; nanghon vang naheuve; ajeh chu ama nangho sunga chenga ahi, um jong hung umding ahi.

Chule Pa chu Chapa-a choi-atna aumna dinga, ipi hijongle keima mina nathum chanu chu kabolpeh ding nahiuve. Keima mina ipi hijongle nathum chanu chu, kabolpeh ding nahiuve.

Keima neingailut ule, kathupeh ho nitnun.

Ka Pa in'ah chenna in nom tamtah aume; umlou hile najah uva kaseitah hih dingham; ajeh chu keima nangho ding mun sema che ding kahi.

Chule nangho ding mun sema kache-a ahile, keima umna-a chu nangho jong naum theina dinguvin, keima hung kitning ting, kahenga dinga kahung puiding nahiuve.

Thomas'in ajah-a, Pakai, nachena dingbon kihe lou uva, alampi iti kahet dingu ham? ati.