Popular Bible Verses from Semtilbu 39

Share

Chuin Pakaiyin Joseph chu aumpin, amachu milolhing tah ahung hita; chule apu Egypt mipa in'a chun aumin ahi.

Chuin aman aneijouse Joseph khutna akoisohtan, chule anehding an tailou ahetding dol thiljong ahetapon ahi. Chule Joseph chu migong hoitah le melhoitah ahi.

Chuin songkul ngahpa chun songkul'a um sohchangho jouse chu Joseph khutna achinsahtan; chule chumuna kibol jouse chu, Joseph mopohna ahitai.

Chuin a-pakaipa chun Joseph chu akaijin, lengte soh changho kihenna mun songkul'a chun akoitan; chule ama songkul'a chun aumtan ahi. Ahivangin Pakaiyin Joseph aumpin, hepina amusah-in, chule songkul ngahpa mitmu-a lungsetna achansahtan ahi.

Chuin hiche nungchun ahitin ahi, apu inneipi chun Joseph chu deichat mitnin avetan, chule amanun Neiluppin, atin ahi. Ahivangin ama anompon, apu inneipi henga chun, Vetan kapun hiche insunga hi kakhutna ipipi um ahi ahepon, chule aman aneijouse kakhutna akoi ahitai. Hiche insunga hi keima sanga lenjo koima aumpon; chujongle nangma a-inneipi nahi jeh-in nangma tailou hiche insunga aman keima khutna apehdoh lou imacha umlou ahi. Chuti ahile keiman hitobang khangitlouna lentah hi iti kabola, Pathen douna-a kachonset thei ding ham? ati.

Chuin chuche laiphat chun ahitin ahi, Joseph chu insunga kinbol dingin agalutnin ahile, insunga chun koimacha aumpon ahi. Chuin amanun, Neiluppin, atin amachu aponsilin amanin ahi. Chuin aman aponsil chu amanu khutna chun adalhan, ajamin, insunga kon chun apotdoh tan ahi.