Popular Bible Verses from MATHI 5

Share

Khunomu akulu kuqu pesu alino qhove chemoe, ikemu akibepulo be cheni, tishianguno akilo akemi kumtsu lau akuvu tsu cheni. Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

“Nonguye ayeghiqha ghenguno akuvu toike. Atoghilo aphughi akeuye kusuve mlae.

‘Akukumsu mithemitheikemi kumghae, kughengu panonguye Alhou ithulu nani!

‘Achipiu-mikucho shi nishikeuno apulou akiqheu shi chekemi kumghae, kughengu Alhou no panoqo lopiqitsu nani!

Ikemu ino nongu vilo pini, noghumi kimiyelo eno nongu peithapusa chekemi ghenguno inikhutsulo

“Amlolo kumlhomi shi aniepi ithikemi kumghae, kughengu Kungugha yehkipeye panoqo wuke!

“Timi dolo alashitsukemi kumghae, kughengu panonguye Alhou nuliqo ipi ku nani!

‘Mlo qa chekemi kumghae, kughengu Alhou no panoqo lokughuno tsu nanie!

‘Achipiu-mikucho shikeu ghenguno kutamino ghimeqhikemi kumghae, kughengu Kungugha yehkipeye panoqo wuke!

“Kutami gholo amlo saqhiyikeu kuqhakemi kumghae, kughengu Alhou no panongu shou amlosaqhiyi tsu nani!

“Ighenguno timino nongu thaigha eno nongu shikimighi eno akimiki lono alhoksa jeli kumtsu pesu nongu shou pini shini keno, nonguye akumgha pue. Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

“Akumtsha-akughuvumi kumghae, kughengu Alhou no tsuniepi puakeu mheghi panoqono ithulu nani!

“Nonguye ayeghilomi ghenguno amti toike. Amti no qhumzayi keu hauve aye, tipau qhumzayi kithe kulupu kuhave cheni. Tiye avehupu kiumu kuhaveno peleve puzu timino apukhuno nedaqodave cheni.

Nongu paPuh kungughalo akeuye thwokhalo viwotolue, tighenguno nongu ghi viwotolu masae.”

Nono pikeulo vejoi ‘Iye’ momu ‘Moe’ ipilo; hinguno alau nono pikeu shiaye tiye Alhoksau launo ighikeu.

“Ishi pipuakeu nonguno chiluve aghi nani, ‘Anhethi lakhi theli anhethi lakhi, ahu lakhi theli ahu lakhi,’ Ikemu itehiye ino nongu vilo pini, alhoksa shikemi mujochile kevilo. Timi khualano ogimuchu ajeu ghatsu aye ogimuchu piyiu ghi pa lau kughopuwo tsulo.

Tsala onhethi ajeu akeuno omsu sasu axinelo ilove kepushi aghi aye chixejope pevelo. Kughengu ophi kuchopu aghime tsukeu alo vesuve kepuye ophi a-ulo hami kupumove keumu pavike. O-u ajeuno omsu sasu axinelo ilove kepushi aghi aye ti michepe pevelo. Ophi kuchopu aghime tsukeu-alo vesuvepeni kepuye hami kupumove keu mu pavike.”