Popular Bible Verses from METTHIU 5

Share

Meic nunc rui maibungc daanclouna nggiuh rui gumbinlou mak ge tiki kahyang ruc khou louna kainung kapwm tigaanclou e. Hei tei kumcna, nangniw riw meic nunc hu khou tigaanc o. Kum pwkhou nangniw tuang gaymei taanv tei kaniw how lana tingkauh thangc bammei nangniw Pu hym tidaih khang e.

“Nangniw mbaanv khang gaanhmei e. chyngbut ruc khou naimei kaidai tei nkamh ngam mak ge.

Lungh nthanmei nunc tei zaenggaymei nunc e; kaniw Ravguangc ta how puni.

Ravchap tat khang ndaapc tari bammei nunc tei zaenggaymei nunc e; kaniw ta tipianlou puni.

Tiki ai rui nangniw khou sa e: Nang ta zauczihmei ta nzian nina e khatni nang ta sw kasicpui mei khang tei huayneylou nina e.

“Bumaengh khou lungcsimei nunc tei zaenggaymei nunc e; tingkauh guangcdic hei kaniw khang e.

Chaguatpouc nunc tei zaenggaymei nunc e, kaniw Ravguangc nac sw puni.

Zaengsi bammei nunc tei zaenggaymei nunc e; kaniw ta swmlou puni.

Ravchaptatmei khang rui raimei khaengv bammei nunc tei zaenggaymei nunc e; tingkauh guangcdic hei kaniw khang e.

Zauzianthaymei nunc tei zaenggaymei nunc e; kaniw ta zauc-nzianlou puni.

“Azaeng rui luh kasicloumei, rai riumei khatni simei nkham ndamloumei ariwmei nunc tei zanggaymei nunc e. Neihla o khatni zaenggay o, kalam thu tingkauh thangc nangniw swan daic e. Nangniw hu khou lungclou kanmei muhzwng nunc ta ni hei tei kumcna sw kanmei tuang e.

Lungh niamhmei nunc tei zaenggaymei nunc e; kandih hei kaniw laa puni.

“Nangniw hei kandihmei khang ntey e. Tiki ntey tei nsamv kan e thei, akumhna mi ta tei tibumc dat nina cho? Hei tei ganclouna phay rui ni bin khang hamhna ramh baihmei khat na khang sini gaeng dat mak khe.

Tingkauh thangc bammei nangniw Pu nthuihmei kumcna nangniw ni nthuih nina e.”

‘Kum ni’ tw e thei ‘kum ni’ twna taan o; ‘kum lak ge’ tw e thei ‘kum lak ge’ twna taan o. Mi khou rui twanmei guay tei simeipu khou rui e.

“‘Mik akhat khang mik akhat, huh akhat khang huh akhat’ twna samei tei nangniw thay the. Tiki ai rui nangniw khou sa e: Meicsimei ta akhangv riu. Nang biangc nzat biak kaphi pw e thei, mbai biak ni nzuhlou tio.

Hei zaeng rui, nang tuang nzat mik rui nang ta paapc tisw e thei, hei tei lat ganc o. Nang pumc kapwm tei maikwam khou phaicloumei suangc nang pumc nanw akhat maan kanmei tei rui nang khang gay e. Nang tuang nzat baanc rui nang ta paapc tisw e thei, hei tei dan ganc o. Nang pumc kapwm maikwam tatmei suangc nang pumc nanw maanmei tei rui nang khang gay e.