Popular Bible Verses from METTHIU 28

Share

Hei zaeng rui, nangniw tatna zaatc kapwmna ta aziap kasiamh o: kaniw ta Pu, Nah Mpouh, khatni Bumaengh Nthanmei zanc khou duiluplou o; ai rui nangniw khou tiilou kanmei latdanv guay tei piu khang kaniw khou nchamlou o. Kumna zauclo, kandih zuk luaimei nganv ai nangniw ta kaganv kathuic bam nduangh bam puni.”

Khoutei Jisu guangna kaniw khou sa the, “Tingpuk khatni kandih kapwm ruc khou ngamv akhou tiilou the.

Khoutei baanchara tei rui mi pui nei khou tei sa the, “Ping riu, kros khou thaengc luai kanmei Jisu ta tei nangney phu bam tuang e twmei ai thay e. Kamei mi khou hei bam mak khe, kamei rui saloumei kumcna kamei ringcthau kan the. Kata nziloupui bamv hei guang zauc o.

Khoutei Jisu rui kaney khou sa the, “Ping riu; nangney tatna achana nunc ta tei Galili thangc guang tho twna salou o. Mi khou tei kaniw ata ariw puni the.”

Amuh daihmei nunc tei gaanvthaih nunc lev kaphianh lana syan rihmei nunc khou tei tiina, “‘Aniw zip kan khou zingbangc kaziap nunc guangna kata houc tat kan the,’ twna meic nunc khou sa o. Mi hei guanghkhyn rui chu pwsini, nangniw ping khang maek ge, aniw rui kata thu sa thimlou kan ni de,” twna sa the. Rigaanvmei nunc tei syan tei laa lana kaniw ta sa o twmei tei kumcna kaniw sa the, kumna mi pary hei Jihudimei pang khou ntaw nganvna mi hei kumcna rac bam e.