Popular Bible Verses from METTHIU 15

Share

Tiki mwang khou rui patmei tei thu lungh khou rui patmei tuang e. Kumna maansei ta sw mphuammei kiu mi guay tei rui the. Kalam thu lungh khou rui simei lungning, meicdowmei, nowsowmei, lungcmaanvmei, kaihouhmei, saraamcna sakhi swmei, meickai ta sakasicmei, mi guay hei pat re.

Mwang khou rui tu gutmei puat tei rui maansei ta sw mphuam tuang hamh e, tiki mwang khou rui patmei tei rui de.”

‘Mi mei nunc hei kaniw mwang rui thu ata chakhwang sw e, tiki kaniw lung thu akhou rui duc the. Nsa kaniw ata kalum e, maansei lat ta Ravguangc lat kumcna nchamlou the.’ ”

Khoutei mundawna Jisu rui sa the, “He meicpui, nang ramlum hei daic the! Nang kahawmei tei swlou pw di tho.” Kumna mi dyng khou tei kanacpui ta tei tigaylou kan the.

Tiki mi pui tei guangna kalumna, “Poubauhmei, ata nkhavlou o,” twna sa the. Khoutei Jisu rui mundawna, “Alauc nunc tu nimei tyan tei laana si nunc khang phaicloumei thu gay mak dyng e cho,” twna sa the. Khoutei mi pui tei rui, “Kiuc dyng e, tiki Poubauhmei, si nunc ni kakaipouc tuang kuak paeng khou rui tu kathow keyloumei tei thu khuaic tu kan dyng e cho,” twna sa the.