Popular Bible Verses from TATPATMEI 2

Share

Kaniw rui puihuaymei khwan tei chuna, Ravguangc kamei rui Abraham, Isak, khatni Jakob khou swlou kanmei latdyng tei ningtow the. Isaraelmei nunc bangh sw bammei lwnlung tei, kamei howna kaniw khang taanvswlou the.

Mi ganv dak lungc khou tei, Izipmei guangc tei theic kan the; tiki Isaraelmei nunc tei thu bangh swna puihuayna, nkhavlou khang huayna bam khwan e. Kaniw kapmei khwan tei Ravguangc pamv tangc the.

Mi nac tei daicthau pwkhou, kamei rui guangh nacpui khang tiilou dat the; kumna kamei rui kanac swna laa kan the. “Ai rui kata dui khou rui laa patloumei tuang e,” twna sana kamei rui kazanc Mousi twna phuaklou the.

“Mi ngana ti hei laana akhang makuatlou o; ai nang khang kaphy tii puni,” twna guangh nacpui tei rui mi pui khou tei sa the. Kamei rui ngana ta tei laana makuat the.

Khoutei guangh nacpui duilow khang duithuak khou tei key bam khou, kabangc nunc duithuak khuangc khou tat bam khwan e. Kamei zuangctou ding khou nggiuh akhat howna, hei tei laaguang khang kabangcpui akhat ta thouclou the.

Mousi tei meicpha pat pwkhou, kamei nunc Ibrimei zaat ta zauh khang tat pat pwkhou, kaniw ta namna taanv titaanc ranvna bammei ta how the. Izipmeipu rui Ibrimei, akhat ta swluai bammei ta ni how the. Mousi tei zauc kari kariangna zauc pwkhou, gaanv khat na sini zauc bammei ta how mak lana, kamei rui Izipmeipu ta tei swluai the; kumna kapumc tei syniangpung khou phuplou the.