Popular Bible Verses from MARK 10

Share

Kepaghenanye Anyi Tsawa lela nyu ya ma kekuli sa thsüle ngho, isala ma nyu kekuli sa nu ma kahangli khuchi pi anyi kejon hangshayale kesa ghena ghole.”

Jisu na mathu ghangti nu khi, “Hawa ha anyi ghena saya nben, isala Anyiza ghena tsü saya mehai, kepaghenanye Anyiza na pala tsüdila kuliya mehai.”

Jisu na ma kiza, “Whalo, no kenondi na no sa pi mehai cüdha.” Tsümeyi ma nyon na pala muya nu ma alen wi Jisu nie wa.

Tsüghena Anyiza na zanghu kethengwa tsü anyi na zanzighe yishü.”

Jisu na ma ghang pi tizenya nu ma wi kiza, “No pala kesü nsathu yishü ben. Wala no keben tsüdi jeü nu apisa pi ketha-u cülo; isathu tang wi no keben benyaben, tsaseng wi gho hi nie ghalo.”

Jisu na ma wi keü, “Hi nghena mangwa sachi thsü mvuben nu?” Anyon nkemuwa na luneng, “Kesansiwa, hi yala pala mu nengya thsülo.”

Isala nthu jawi tsü tsüti sa nben. Keujüla nthu thowa na kediwa sa mvu khe ma nthu tsüdi maghawa nsathu yishü

Hi atsentsa nthu kizaden, anyi kesü le kesü lela ghanyi kesü ti sa nu Anyiza Kadiyyi ya nkeya tsü ciwi duya nben.”

Khili atu sa keben kejon na asakhen saben, nu khili asakhen sa keben kejon na atu saben.”

Isala adechhü sahangkechi wina Ntsawajüh khi keten ti ‘Anyiza na nza nu npvüza sachi. Ha jjügi ghena npvüza kesü na ma bajja teshi nu wala ma wubvü manyi kesütan sa waben, nu keni tsüna kesütan saben.’ Tsalina manyi tsüna keni nyedha isala kesütan sadha.