Popular Bible Verses from LUK 14

Share

“Anyi kesü le kesü lela ma hi wi ghala ma ba nu ma jja, ma wubvü nu ma tsangathu, ma cünyu nu ma tssüggüthu, nu ma ketanla ma ketizen miwi hi tizen nkeya tsü ma hi sansikeya nyi nsa qo.

Thowa na ma ketanla ma kross pvünu isen nie n-gha khe ma hi sansikeya nyi saya nben.

Kepaghenanye anyi kesü le kesü lela ma ketanla ma sa pi dithang ketenwa zansha cüben, nu thowa na ma ketanla ma satemeni ten khe zanki cüben.”

Jisu na khi, “Tsü makesü nthu thola nthu keben-keyeng tsüdi teshi nkesa tsü hi sansikeya nyi saya nben.

Keujüla nthu meshu kesü na aducü zhü mvu ben lethu, ma atuwa sa donki nu khaju pi tsü saben khe hesha nanlo. Ma apisa tsü sacenkeya benla nmi khe n-ghang chithu yishü. Keujüla ma tsüti nsa lethu, ma aducü giketegü seng wi tsü sacen meyala lethu tsü kemuthu tsüdila ma nankeqhe, nu hati khiben, ‘Anyi hawa ha kekuli sa shagha, isala sacen meyaladha.’

No kemishu kesü sa lethu, ketha-u, akwen nu accü nkemehaithu, nu anyon nkemuthu qhechilo, isathu no kemihhi muyaben, kepaghenanye mathu na no dhinengya nben. Anyiza na anyi kemehaithu keshü wi hangneng-keshagha ghanan wi no dhineng cüben.”

“Amcü na mehai, isala keujüla ma kesheng bhatagha lethu, mangwa sa nu tsü sheng thsüya mehai nu? Tsüna ayyi nu kepa ghena la mangla nmehai; tsü pi khalaben. Kinayalo, keujüla nthu na akhuna pvüten lethu!”