Popular Bible Verses from BVÜKESHHU 32

Share

Anyithu na Mosa na matsü kesie ayikha wina ndugho la ciwi ben wa kesa mukeya wi mathu na saghu Aaron vüya nu ma wi khi, “Ejipt wina ithu ssi keshhughowa Mosa ha khati sadha khe nchü ladha, tsalina acenpvü sa pi ithu ssinu wa thsülo.”

Apvüwa na Mosa kiza, “Wan cülo, no Ejipt wina ssi keshhugho n-nyithu na sami nu hi meya mvuladha. Mathu na hi mathu alen nielo kekizawa tsü teshidha; mathu na suna leghu pi amesü zza zhüya nu tsü kinyi nu ahhansha sapi tsü cü wadha. Mathu na tsüwa tsüna Ejipt wina mathu ssi keshhugho cenpvüle khiben.

Tsaseng wi Aaron na kekinyipen kesü sapi suna pi amesü süpon tsizhü ketheng tuwi tsü chi nu jisha, “Dhitsü wi Apvüwa kekinyi kho kesü saden.” Dhitsüwa wi mitu na anyi pahan asahang sengho mecang pi ahhansha sa nu kepathu na kecca ghena kekinyi tsse dsa. Anyithu na donki nu dsa nu jjü, nu qheza-inamu sa wa.

Dhitsüwa wi Mosa na anyithu wi kiza, “Nthu na kesami kemessi ntsa sadha. Isala hi khili kheneng ayikha wi ki Apvüwa ccünengden; hi nthu ghena kesami teshi kecü tsü muya nashe.”