Popular Bible Verses from BVÜKESHHU 2

Share

Anyiza na mathu kiqai hhai tsü zakeya wi ma Abraham, Isak, nu Jakob ssinu cenkethenjüh tsü meshenya. Anyiza na Israel nyithu nssümagha sa keben tsü mu nu mathu cüki meshenben.

Amapi pahan seng wi Ejipt kadimiwa na shüa, isala Israel nyithu na mathu nssümagha kesa wi ghadhi nu kekiqa ghena qaiben. Mathu kiqai hhai na wa Anyiza cuya.

Ghanyiwa na zügü keshagha seng wi nzawa na ma ssinu kadingawa wi wa, nu ma kadinga tsa sa wa. Kadingawa na ma ketanla ma wi khi, “Hi atssü wina ma zanshikeya ghena ma nyan pi Mosa ciden.”

Kadingawa na nzawa wi kiza, “Meme ha ssi wa ghanja pi hi cülo, hi nkutimen sapi no cüben.” Tsalina nzawa na memewa tsü pie wa noncca wa.

Kadingawa na aghaku wi atssükizü le dugho nu ma maghalethu na aghüsa wi keqoe den. Ma ashijü kesü na ahuphon jawi keben muya, nu ma maghale kesü kesun pi wa tsü sengho thsü.

Mosa na qhai keshagha seng wi ma nyi Ibri nyithu hhainan wa nan mathu meten pi kekuli kekhang sa thsü keben muya. Ejipt nyi kesü na Ibri nyi kesü, tsüna Mosa nyi, pathi keben la muya. Mosa na ghang kevüli chi nan anyi kesütanla ciwi keben nmu, tsalina ma Ejipt nyi tsü pathi nu ma kamang pi ahachan non wi kuthia.