Popular Bible Verses from KEKULI 1

Share

Isala Kemetha Ghamu na nthu miwi gho lethu kekhang pi nthu pong cüben, nu nthu na Jerusalem, Judea, nu Samaria tsüdi wi nu ayyi ccügwen wi lela ighena chüzathu saben.”

Jisu mathu wi khi, “Matsü nu ma tsathang tsüna iBa na ma ketanla ma kekhang wina ssan theng, nu khathansha wi saben khe nthu na kechü-u nye.

Ma mathu gweghe dsajjü keben wi ma hati mathu wi kiza, “Jerusalem nteshila, isala iBa na aju khishi ketheng, hi pi nthu kekiza ajuwa tsü hie ben lalo. Johan na atssü pi nyu baptaiz sa, isala ghanan keu seng wi Kemetha Ghamu pi nthu baptaiz sa cüaben.

Ma keshü seng wi ghanan jügha jü wi ma hangben le kesa kejon tughula mathu tuwi gho, nu ajjügi kejonla pi mathu ccüca. Mathu na ma mu, nu ma Anyiza Kadiyyi cüki khi pi mathu ccüneng.

Ma ha kekhi seng wi mathu na ma ghang keben na tang wi ma zankiya nu mathu tuwi na akulukeshü na gho ma shanbhonya.

Ma wa kesa seng wi mathu na tang wi ghangki ben nan meshu keni athsü kemiki mphi nu wan gho mathu kete wi nganya. Manyi na mathu wi, “Nthu Galilee nyithu mangkesa na ciwi ngan nu tang wi ghang ben nu? Nthu wina ssi sen nu tang wi wa kesawa Jisu hana nthu ma tang wi wa keten kemu tsü makesü gho neng ben le!”