Popular Bible Verses from MATHI 13

Share

Lo mele ntsi gwün pe nnyo kegwa nyu shükela nyu we jo tsü nyülo-o a-kon shalo hünyo; lo tsüle a-sha nshalo tsentsü hünyo; peha le tsi, peha le hentsero, lo peha le shenryü nshalo hünyo.”

Lo mele ntsi gwün pe tsehü dan nyu shü kela dan we, temi tsügü le jo tsü shalo, ai nje ntsenyü rüla dan hi rüchün pe a-nyun bwenlo kemvu thyü, lo nsala kehü kenya tsüno jo gü tyü kemhüla njüo a-no a-sha nshalo mvula hünyo.

Temi peha le keda jo gü nyülo-o a-kon rüchünlo mvu kebin ka serikemvugü le ryüo a-nyunki kebin ntsigü tsü se sen tinla hünyo. Tsüle mele ntsi gwün pe tsonkhoka shü kelanyu.

Lo mele ntsi gwün pe tso soge shü kelanyu le jo tsü shalo ntsin a-kenyü sao zen whütselo hünyo. Ai a-nyun ki a-me tsenlo mvuo gwüngwa nme nti binlo kehü gwünzin; lo a-le jo tsügenyu kenjün kethyü, nmvue mele a-kenshwen le soryü ntsin a-pha rheketola hü.

“Lo tsangge keda le lobu nme nyu tha kegwa nme kebu pe bin kenjü hontse; temi nme le gungü tsü hyulo njüo kebu nipe binla; tsüselo a-le a-shekerhün pvüo gungü a-hon kebin aphu jwe pe low tsügü hielo.

Ai kechanyu we nnyo kegwa nyu tsülo njüo a-sha nshalo, peha le tsi, peha le hentsero, lo peha le shenryü tse nshalo.”

Logvü gwünkho le ryü kemvuthen au no tsühontse kengü yhun tselo. Logvü gwünkho le ryülo ale anpvü logvünyu ka, hagun jontsü gü bo kequenlo ri nye, lo rola nrün genyu tsü phin kequenlo; ai shye dan we gvü pe shye ka nyu kequenlo chi, tsonshü ti.’ ”