Popular Bible Verses from LUK 4

Share

“Npugü Kapu le age bin; lo a-le ano jolokegwa gü pe kendinyu senthyü lotse lo a-yhükepo nyu no tha hyu lotse kethyü genyu akejü lo. A-le ano do kethyünyu ho nishü nrün, lo meno nshwen kehünyu no bwenlo nrün jo gü zope mezen lotse tson-o Npugü le kenilo nrün gü chen zope me hizin shülo tseo anishü!”

Tsüselo Jisu le a-ka, “Nle n Npugü Sunggigü rüshvulo, lo a-lo nti thyülo mvulo shvu,” tsonkethyü thu njü nyo.

Tsontsin Jisu le a-ka, “Temi le tensü genyu nti rhünlo hümvu, tsonkethyü thu njü,” tsonla.

Tsüselo Jisu le Kenshün Kapu no a-sü pvü tse Jordan züri nken ryü zhü; tsontsin kapu gü no a-nsü zen-o tehen nyu gü

Tsüselo Jisu le a-ka, “Nle Npugü Sunggigü semen loshvu, tsonkethyü zo pe bin la sele,” tsonla.

Lo Satan le a-semen nrün pe a-semen penla ntsin a-khelao tinla.

Tsüselo Satan le a-zen-o ketetso nme ge nsinlo-o kazü nyu rünyi keda aphu gwüngwa nme thyü tsin pe a-hi. Tson-o Satan le a-ka, “Ale nno hi aphu so keda thyülo kegwa kekvu lo hinyu tha kegwa aphu pe ntsü lati; kechamvule tha hidan hi aphu pe atsü laso, lo ale pe akenyünyu tsülo gwa kela si genyu. Tsügenyu nle nkhün tsügü a mhundyü nyu arüshvu yatselo hi aphu pe nhon thyü lati!” tsonni. Tsüselo Jisu le a-ka, “Nle n Npugü Sunggigü rüshvulo, lo a-lo nti thyülo mvulo shvu,” tsonkethyü thu njü nyo.

Lo tsüsika Satan le a-zen-o Jerusalem ki gü a-no Jerusalem Kershvuka pesun ge binlo-o a-ka, “Nle Sunggigü Nyugü yatselo nle hige hiche tsü chi. Kechamvule, ‘A-le ngenyu a-jolonyu nishüo anyugun no n ntsenlo ti,’ lo nno tso ge chetsü njon nthyü mvulo nrün genyu anyugun ben pe nkhi pen loti, tsonkethyü thu kenjü genyu.” Tsüselo Jisu le a-ka, “Nle Npugü Sunggigü semen loshvu, tsonkethyü zo pe bin la sele,” tsonla.