Popular Bible Verses from PHILIPPITE 4

Share

Bangmahlou ah mangbang kei un; himahleh thil bangkim ah, thumna ngetna, kipahthugenna toh na ngetnate uh Pathian kiang ah theihsak in om hen.

Huchi in Pathian muanna, lungsim himhim a theihzoh vuallouh in Khrist Jesu ah na lungtang leh na ngaihtuahnate uh a hon kepsak ngeingei ding hi.

Huaikhit chiang in unaute aw, thil dik peuhmah, thil phathuai peuhmah, thil kilawm peuhmah, thil siangthou peuhmah, thil hoih peuhmah, thil minhoih peuhmah, hoihna himhim a om a, phatna ding a om leh huai thilte ngaihtuah un.

A hon hihhatpa Khrist ah thil tengteng ka hihthei hi.

Toupa ah kipak gige un; ka chi nawn ding hi kipak un.

Huai chiang in ka Pathian in Khrist Jesu thupina a hauhna bang in na taksap tengteng uh a honpe ngeingei ding hi.

Keimah a na thil theihte, tante, zakte leh muhte uh, huai thilte hih un. Huchi in muanna Pathian na kiang uah om ding hi.

Na migitna uh mi tengteng kiang ah kithei hen, Toupa a nai hi.

Zawn dan ka siam a, hauhdan leng ka siam, thilchih leh thil tengteng a gilvah leh gilkiala om theihna leh niang leh tasama om theihna thuguk ka thei kheta hi.

Taksap ziak a hiai thu gen ka hi kei a; bangchi bang in om mah leng huai a lungkima omdan ka theikheta hi.