Popular Bible Verses from MARK 9

Share

Jesu’n a kiang ah, “Na hihtheih leh e, a gingtami ading in bangkim hihtheih ahi” a chi hi.

Huchi in naupang’ pa’n khitui toh, “Toupa, ka gingta hi, ka ginlahna hon huh in” chi in a kikou khia hi.

Huan Jesu inn a a valut leh a nungzuite’n “Bangchi a kou delhkhe theilou ka hi ua? chi in a sim in a dong uhi. Aman a kiang uah, “Hichibang zaw thumna leh anngawlna kia loungal in bangchi mah in a pawt theikei” a chi hi.

Chi a hoih hi; himahleh, chi a pen khit leh bang in na hih al nawn ding ua? Noumau ngei ah chi nei unla, khat leh khat kilem in om un” a chi hi.

“Kuapeuh ka min ziak a hiai bang naupang chik khat sang keimah hon sang ahi a, kuapeuh kei hon sang kei hon sang ahi kei ding, hon sawlpa sang ahizaw uh” a chi hi.

Kuapeuh Khrist mi na hih ziak ua tui nou khat dawn ding honpia, chihtaktak in k’on hilh ahi, a kipahman a tan kei hial ding hi.

“Huan kuapeuh hon gingta neu chikte lak a khat leng hihpuk, a ngawng ah buhgawizanna suang lianpi oksak in tuipi ah khele uh, amah ading in a hoihzaw ding hi.

Huan na mit in a hon hihpuk leh, khelkhia in; mit lang nih nei a gawtmun a paih a om sang in mit langkhat nei a Pathian gam a lut nang ading in a hoihzaw hi.