Popular Bible Verses from MATTHAI 5

Share

Min khawnvak de in lawh nuai ah a koih ngeikei ua, a koihna ah a koih zaw uhi. Huchi in insung a om tengteng a tanvak hi. Huchi mah bang in, na vak uh mi mitmuh ding in vak hen, huchi in na thil hoih hihte uh a mu ding ua, na Pa uh van a om a pahtawi thei ding uhi.

“Khovel vak na hi uh. Tang tung a khopi om selguk theih ahi kei hi.

“Lungsim a siangthoute a hampha uh; Pathian mu ding ahi ngal ua.

“Diktatna lunggulh a gilkial a dangtakte a hampha uh, tai ding ahi ngal ua.

Ken zaw k’on hilh ahi, na melmate it unla, a honsawite thumsak un.

“Lungsim a gentheite a hampha uh van gam amau a ahi ngal a.

“Lemna bawlte a hampha uh; Pathian’ tate chih ding ahi ngal ua.

“Lungkhamte a hampha uh; khamuan a om ding ahi ngal ua.

“Diktakna ziak a sawina thuakte a hampha uh, van gam amau a ahi ngal a.

“Zahngaitheite a hampha uh; zahngaihna mu ding ahi ngal ua.

“Min keimah ziak a hontai ua, a honsawi ua, zuau a gilou chiteng a a honhek hun chiang un, na hampha uhi. Kipak unla, nakpitak in nuam un; van ah na kipahman uh a thupi ngal a: Tuamah bang in na ma ua zawlnei omte leng a na sawi zel uhi.

“Thunuailutte a hampha uh; leigou luah ding ahi ngal ua.

“Lei chi na hi uh: himahleh chi peng leh, bang in ahia a hih al nawn ding? Paihkhiak a mihingte chilgawp loungal ding in, bangmah din a phatuam kei hi.

Huchi in na Pa uh van a om a hoihkim sipsip bang in na hoihkim sipsip ding uh ahi.

Na thugen uh, ‘ahi, hi,’ ‘hilou, hilou,’ hi vanglak hen;” a kan a valzaw gitlouhna a suak ahi.

“Mit sik in mit, ha sik in ha, a kichi chih na zata uhi. Ken zaw k’on hilh ahi. Migilou nang kei un; na taklam biang bengte, a lehlam leng doh zaw un.

Na mit taklam in a hon hihpuk leh, khelkhia inla paimang in, na sapumpi Gehenna a paisang in na sapum a hiang khat manthat nang ading in a hoihzaw hi. Na khut taklam in a hon hihpuk leh, tankhia inla paimai in; na sapumpi a Gehenna a paisang in, na sapum a hiang khat manthat nang ading in a hoihzaw hi.