Popular Bible Verses from MATTHAI 13

Share

Huan leihoih tung a theh tuh thu bil a za a, theisiam ahi; huai tuh a gah ngei a, khenkhat a leh za, khenkhat a leh sawmguk, khenkhat a leh sawmthum in a pung” a chi hi.

Huan loulingnei lak a thehte tuh thu za a, himahleh khovel awlmohna leh hauhsakna khemna in thu a dep a, gahlou in a hongom hi.

Kuapeuh in kumpi gam thu bil a a zak a, a theihsiamkei leh migilou a hongpai a, a lungtang a thehsa a laksak nak hi. Huai tuh lamsik a theh ahi.

Suangsilei a theh bel, thu za a kipaktak a pom bang ahi; Himahleh amah ah zung a omkei a, sawtlouchik kia a om a, thu ziak a gimthuakna leh sawina a hongom tak in a pukpah hi.

“Van gam tuh lou a gou phumguk bang ahi; huai min a mu a, a sel a, a kipah ziak in a neih tengteng a zuak a, huai lou a leita hi.

A khen leihoih ah a kia a, khenkhat a leh za, khenkhat a leh sawmguk, khenkhatte a leh sawmthum in a honggah uhi.

Buhlak dong in poukhawm uheh; buhlak hun chiang in buh atte kiang ah, buhlem lakhawm masa phot unla, hal ding in lomgak un; buh pen bel ka buh in ah seklut un, ka chi ding’ ” a chi hi.