Popular Bible Verses from MALAKI 3

Share

Ka inn sung a an a hongom theihna ding in koihkhomna inn ah sawm a khat avek in hon lalut unla, huai in kei hon entel un, sepaihte TOUPA’N a chi hi. A koihna ding dantan kiching omlou khop in van tohlette hong in, vualzawlna k’on buakkhe kei na hiam!

Huan negaimi pen nou ziak in ka sal ding a, na leigahte uh a suse kei ding hi; na grepgui u leng lou ah a hun tunma in a gah a kesak kei ding hi, sepaihte TOUPA’N a chi. Huchi in nam tengteng in nang nuamsa a honchi ding ua; gam kipahhuai na hih ding ziak un, sepaihte TOUPA’N a chi.

“Huan amau kei a a hi ding ua, gou lamdangtak ka bawl ni chiang in” sepaihte TOUPA’N a chi. Min a nasem amah tapa a hawi bang in huchi in amau ka hawi ding hi. Huai hun chiang in na hong kihei ding ua, diktatte leh giloute, Pathian nasem leh amah semloute kal na khenchian thei ding uhi.

“Ngai in, ka sawltak ka sawl a, aman ka ma ah lampi a bawlkhol ding a TOUPA, na zon uh, a biakin ah thakhat in a hongpai ding; na kipahna uh, thukhun sawltak, ngai un, a honghi,” sepaihte TOUPA’N a chi.