Popular Bible Verses from EPHESATE 4

Share

Huan kihehpih chiat a lainatna nei in om unla, Pathian in Khrista nou a hon ngaihdam bang in, noumau leng kingaidam tuahchiat un.

Kingaihniamna leh migitna tengteng, thuaktheihna toh, itna a kithuakzou chiat in

Thu sia peuhmah na kam ua kipan in pawt kei hen; a khawkdan bangzel a bawlhoih ding in thu hoih peuhmah pawt zaw hen, a ngaikhete ading a hehpihna a hong hihtheihna ding in.

Khatna, thangpaihna, hehna, hanna, gensiatnate leh gitlouhna tengteng tawpsan in om hen.

Heh unla, khelh zaw khial kei un; na hehna uh ni in tumpih kei hen. Diabol leng mun awnsam kei un.

Na pianken lui uh, na nidanglai hindan uh segawpsa suahkhia unla, Na lungsim Kha uah a thakin hongom unla, Pianken thak, diktatna leh sianthouna a Pathian batpih a siampen silh un.

Lemna Kha a kipumkhatna vom chinten ding in.

Huan khenkhatte Sawltak hi ding in, khenkhatte zawlnei hi ding in, khenkhatte Tanchinhoih gen ding in, khenkhatte Pastor hi ding in, khenkhatte Sinsaktu ding in a pia hi. Hiai misiangthoute thopna ding, nasepna sepna ding, Khrist pumpi lamtouhna ding in. Huai tuh ginna leh Pathian Ta theihna lam a thukituak a, piching a, Khrist tangchinna bang a i vek ua i om masiah ading ahi.

Huchi a mihingte diklouhna zekhemna bang a lepchiah pil a khem tawmtawm a om a thuhilhna huih chiteng a a langlang a sep leh mut lengleng naupang i hih nawnlouhna ding un. Itna a thutak gen a, bangkim a Amah lupen, Khrist ngei a i khanlet zawkna ding uh ahi.