Popular Bible Verses from KOLOSATE 2

Share

Huaiziak in Khrist Jesu, Toupa na kipahpih bang un, amah ah om un. Amah a zungkai leh lamtouha om in, a hon zilsak bang un na ginna ua kiptak a om in, kipahthugenna hau in amah ah om un.

Pilvang un, huchilou in zaw kuapeuh in Khrist thu hilou, mihing thugousiah leh khovel thubulte bang in a thupil uh leh khemna peuh in gallak in a honla kha ding uhi.

Huan noute na tatleknate uleh na sa uh zeksum louhna a si na hi ua, noumau ngei amah toh a hon hingsak in na talekna tengteng uh a ngaidamta hi. I tatlekna tengteng hon ngaidama, batna lai thupiaka gelh i tung ua om eimah hondou gige a nulmangta hi. Huai ngei Kros a kilhlum in a lamangta hi.

Amah ah Pathian tangchinna chiteng tuh sapum nei in a om gige hi. Amah ah hinna tangchinna na neita ngal ua; amah vaihawmna leh thuneihna tengteng lutang ahi.

Huchi in nek leh dawn thu ah hiam, Ankuanglui leh kha thak thu ah leh khawlni tan thu ah kuamah in hondem kei hen; Huaite thil hongtung ding lim ahi a, a tak Khrist ahi.