Popular Bible Verses from लू‍कस 11

Share

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे नेम्‍हा बॊलतन चि'ओस दिम।”

ख़ने ऎन निमन ब'अदन, धर्मेसिन ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।

ईगेका नॆ ने'अनर आर ख़क्‍खनर, अरा नॆ बेद्दनर आर गे ख़क्ख्र'ई, अरा नॆ ठोकठोकमब'अनर आर गे तिसगर'ई।

येसुस आरिन बाचस, “एकाबारी नीम गोहरार'ओर आ बारी एन्ने ब'आ, ‘अना बबा, निंग्‍है नामे नेम्‍हा मनन नेक‍अन, निंग्‍है राजी बर‍'अन नेक‍अन।

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्ने एम्‍है अक्‍का-बलकन अम्‍बा चि'आ, अरा एमन पाप नन्ना ही चिबाख़ारना नू खतर'आ अमा चि'आ।’”

एम्‍है उल्‍ला उल्‍लन्‍ता ओन्ना-मॊख़नन उर्मी उल्‍ला एमा गे चि'आ।

निम्‍है ख़न्न निम्‍है मॆद ही बिल्‍ली हिके। निम्‍है ख़न्न फरी र'ई होले निम्‍है सौंसे मॆद हूँ बिल्‍ली र'ओ। लिकिन निम्‍है ख़न्न फरी मलकी होले निम्‍है मॆद ऊख़ा र'ओ।

नॆ हूँ बिल्‍लिन लघा ब'अरकी ओदहा नू महले ढक्‍की ती मल कुल्‍लनर, लिकिन पक्‍खा नू उइय्‍नर का भितरी कुर'उर गे बिल्‍ली ऎथ्र'ओ।