Popular Bible Verses from यॊहनस 19

Share

येसुस तिस्‍सा अंगुर रासिन ख़क्‍खियस ख़ने, आस बाचस, “ईद पूरचकी र'ई।” अरा तंग्‍है कुक्‍कन तुरऊ नंजस ती तंग्‍है जियन बिच्‍छरस।

इदही ख़ॊख़ा येसुस अक्‍खस का आस तंग्‍है उर्मी नलखन नंज ख़च्‍चियस। औंगे नेम्‍हा पुथी ता लिख्रका मना गे आस बाचस, “ऎन ओनक'आ र'अदन।”

येसुस तंग्‍योन अरा आस चोन्‍हा नंजका चेलासिन हेद्दे इज्‍जका ईरियस ख़ने, आस तंग्‍योन बाचस, “अनय आली ऎरय, ईस निंग्‍दस।” फेन आस आ चेलासिन बाचस, “ऎरा, ईद निंग्‍यो।” अरा आ बारिम आ चेलस अदिन तंग्‍है जिम्मा होच्‍चस।

लिकिन आर येसुस गुसन बरचर ती ईरियर ख़ने, आस केचका रहचस। ख़ने आर आसी ख़ेड्डे गुट्ठिन मल एस्‍सर। लिकिन सैनर ती ओर्तोस आसी पंजरन बरछी ती जोबचस, ख़ने लॆम ख़ॆंस अरा अम्मु उरखा।

“आसी ख़ॊचोल ओन्‍टा हूँ मल एस्‍तार'ओ।” एन्ने नेम्‍हा पुथी नू लिख्रका कत्‍था मना गे इबड़ा मंजा। अउर हूँ, “नॆकन आर बरछी ती जोबचर आसिन आर थिथवाँ ऎरोर” एन्ने नेम्‍हा पुथी नू अउर नन्ना अड्डा नू लिख्रकी र'ई।

अरा येसुस तंग्‍है क्रुसन तानिम चेड्डस ती “खपरोही अड्डा” बारना अड्डा केरस। अदिन इब्रानी भखा नू “गोलगोता” ब'अनर।

अरा सैनर अच्‍चोन बिन्‍डो लेक्‍खा मोड़चर ती आसी कुक्‍कु नू अत्ताचर अरा आसिन भेटांगो ऎख़र'आ किचरी अत्ताचर।