Popular Bible Verses from यॊहनस 16

Share

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

लिकिन मानिमन दहदर ननू नेम्‍हा बॊलतस बरदस ख़ने, आस निमन उर्मी मानिमन दहदर ननोस। आस गा तंग्‍है ती मल ब'ओस, लिकिन एकदन आस मेनोस अदिन दिम ब'ओस, अरा आस बरना कत्‍थन निमन तेंगोस चि'ओस।

नीम अक्‍कुन गूटी एंग्‍है नामे ती एन्‍द्रन हूँ मल नॆचका र'अदर। ने'आ, होले नीम ख़क्‍खोर का निम्‍है रिझ्रना नीदो क'ओ।

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन। अरा सालत'उस बरदस ख़ने, आस ख़ॆख़लन पाप ही पत्त नू अरा उजगो र'अना ही पत्त नू अरा नेंवई ही पत्त नू तेंगोस, अरा ऎद'ओस का आर इबड़ा पत्त नू एकासे ठउकम मल बुझ्रकर।

ई लेक्‍खम नीम हूँ अक्‍कु सस्‍ती सारदर, लिकिन ऎन निमन फेन ऎरोन, ख़ने नीम रिझ्र'ओर। निमन ती निम्‍है रिझ्रनन नॆ हूँ पोल्‍लोर बच्‍चा। अरा आउला नीम एंगन एन्‍द्रन हूँ मेना गे चाड़ मल र'ओ। ऎन निमन मानिम ब'अदन, एंग्‍है नामे ती नीम एन्‍द्र'आनिम बंगस गुस्‍ते ने'ओर, अदिन आस निमा गे चि'ओस।

ऎन निमन मानिम ब'अदन, नीम चींख़ोर ओलख़ोर अरा खोबरार'ओर, लिकिन ख़ॆख़ेल रिझ्र'ओ। नीम दुक्‍खे मनोर, लिकिन निम्‍है दुक्‍खे रिझ मनो।