Popular Bible Verses from Rom 3

Share

Khorench, sogllim patki zalim, ani Aplê mhoiment vantto gheunk jem Devan mon’xank nirmil’lem tem tankam chuklem. Atam, Devachê funkott-doiall kurpen, Jezu Kristan mon’xank dil’le suttke udexim, tim funkea Devak manovlelim zatat.

Dev koslich ontôr korina dekhun, tench Devachê doiallaiechem nitivontponn Jezu Kristacher bhavart tthevtoleam somestank pavta.

Bhavart dhôrteleam khatir Devan Jezuk Aplê rogot varoun bhogsonnem divpachi boli zaunk nemla: oxem korun Tannem Aplem doiallaiechem nitivont-ponn porgott kelem, poilê svater adlea kallar kel’leam patkam pasot, kiteak tea kallar Tannem sosnnikai dhorun patkank favo asleli xikxa lavunk na; ani toxench atam hea amchea kallar kel’leam patkam pasot, kiteak Aplem nitivontponn doiallaiechem mhonn ani Jezucher bhavart tthevteleam somestank Apunnuch Apnnak manovlelim korta mhonn Dev dokhol korta.

Somurti udexim patkachi ollok asta dekhun, Somurtichim kortubam korun, konnuch Devak manovlelim zainant.

Povitr Pustokar oxem boroilolem asa: “Boro mhonnlolo monis eklo porian na, Somzota toslo konnuch na, Devak sôdta to konn-êklo na! Sogllim kuxin sorleant, soglleanchi chal zaun gelea noxtti. Borem korta to konnuch na, na, eklo porian na!

Kiteak Somurtiche kaide pallun nhoi, punn bhavarta udexim ki mon’xam Devak manovlolim zatat: hi amchi khatri.

Na ki na! Sogllim mon’xam fottkirim zalear-ui, Dev sotevont zaunkuch zai; tôr Povitr Pustokar oxem boroil’lem asa: “Mhojer formonn martai tedna, Tujem formonn nitichem; mhoji zhôddti kortai tedna, chuki virêt Tuji zhôddti.”