Popular Bible Verses from Lk 6

Share

Diat ani tumkam-i Dev ditolo; borem-chikar map, damun-chepun, haloun ani oto-sôr suien bhôrlelem, Dev tumchê unttient ghaltolo; kiteak jea mapan tumi dusreank ditat, teach mapan Dev tumkam-i ditolo.”

Boro monis aplea kallzachea borea bhanddarantlem borem kaddun dakhoita; vaitt monis aplea vaitt bhanddarantlem vaitt kaddun dakhoita. Tôr kallzantlem bhoron òt’ta tench tonddantleam utramnim vhanvta.

Punn tumi tumcheam dusma-nancho môg korat, tankam borem korat, ani porot gheunchi axa dhorinastana herank uxnnem diat. Tedna tumkam vhoddli mozuri mellteli ani Bhov Vortea Devachim bhurgim tumi zatelet; tôr onupkari ani khotteam mon’xam sorim To konnvallo.

Zoso tumcho Bap doiall, toxinch tumi-i doiall zaiat.

Konnachich nit korinakat ani tumchi-i Dev nit korcho na. Konnakuch guneanvkar korinakat ani tumkam-i Dev guneanvkar korcho na. Dusreank bhôgsat ani tumkam-i Dev bhôgxitolo.

Punn tumkam, Mhaka kan diteleank, sangtam: tumcheam dusmanancho môg korat, tumkam zolltat tankam borem korat, tumcher xirap ghaltat tankam axirvad diat, tumkam vaitt kortat tanchê pasot magat.

Heramnim tumchê sorim kel’lem tumkam zai, toxench tumi-i tanchê sorim korat.

Konn tuka eka polear marit zalear, dusro-i polo taka dakhoi; tujem angavlem kaddun gheit taka tuzo jubo-i vhorunk addainaka. Tujê lagim magit taka di, ani tuji vôst kaddun vhelea tachê koddchi ti portun maginaka.

Borem zhadd vaitt foll diit-xem na; nhoi mhonn vaitt zhadd borem foll diit-xem na.

Tachea folla pormannem dor-ek zhadd ollkhunk mellta. Kantteanchim konnem anjiram kaddleant mhonn na, nhoi mhonn sorantteancheô konnench dakô kaddunk nant.