Popular Bible Verses from Ju 16

Share

Mhojê sovem tumkam xanti mellchê khatir Hanv tumchê kodde heô vostu uloilam. Sonvsarant tumkam khônt astelich; punn kalljidar zaiat! Hanvem sonvsaracher zoit vhelem!”

Deva sombondim sot ugddapem korta to Atmo ietolo tedna, To tumkam purnn sotachê vatten choloitolo, kiteak To Aplea podorchem ulouncho na, punn jem kitem To aikota tem To sangtolo, ani ghòddchem asa tem sogllem tumkam kolloitolo.

Ozun porian tumi Mhojê nanvim kitench magunk na. Magat ani tumkam melltelem, ani oso tumcho anond purnn zatolo.”

Tori astam, Hanv tumkam sot sangtam: Hanv gelom zalear, tumkam adavachem; Hanv vochona zain zalear, Xerati tumchê thãi ieuncho na; punn Hanv gelom zalear, Taka tumchê thãi dhaddtolom. Ani To ietolo tedna, patka vixim, Devak manonvto goti vixim, ani Devachea nirnnoia vixim, hem sogott dakhoun To sonvsaracho guneanv-sid’d kortolo.

Toxench tumkam atam khônt zalea, punn Hanv tumkam novean polletolom, ani tumchem kalliz khuxalborit zatelem, ani tumchi khuxalkai konnuch tumchê thaun kaddun vhorcho na. To dis ietolo tedna, tumi Mhaka kãi vicharche nant. Hanv tumkam sot sangtam: Mhojea nanvan Bapa lagim tumi kitem-i magxeat zalear, To tumkam ditolo.

Hanv tumkam sot sangtam: tumi roddtelet ani pinrgotelet, punn sonvsar khuxalbhorit zatolo; tumi khontibhorit zatelet, punn khontichê bodlek tumkam melltolo sontôs.