Popular Bible Verses from AI 1

Share

Punn tumcher denvun ietolo tea Povitr Atmeachem boll tumi ghetelet ani Jeruzaleant, akhea Judeiant ani Samarient ani sonvsaracheam ximam porian tumi Mhoje govai zatelet.”

Jezun tankam zobab dilo: “Bapan Aplea odhikaran nemlole kall ani ghoddiô zanno zaunk tumkam poddlem na.

Tanchê sangatim jevnnar astana, Jeruzaleantle koddsoronam zaunk, punn Bapan kel’lê bhasavnnek ravunk Jezun tankam formailem. Jezun sanglem: “Hi bhasavnni kosli ti Mhojeach tonddantli tumi aikolea: Juanvan udkan batism dila, punn thoddeanch disamnim tumkam Povitr Atmean batism melltolo.”

Aplea koxttam-mornna uprant Apunn jivo asa mhonn jin’nsavar purave diun Tannem tankam dakhoilem; challis dis To tankam dixtti poddlo ani Devachea Rajea vixim tanchê kodde uloilo.

Hem sanglea uprant, te polletat thõich astana, Jezuk Devan voir-voir ubarun vhelo ani tancheam dolleam mukhavelo eka kupan Taka lipoilo.

To choddun veta astana, te aple dolle sorgak lavunuch asle. Ovchit dhovim vostram ghalun dog dadle tanchê kuxik ube zale. Tãnnim mhonn’lem: “Galileikaramnô, tumi oxe sorgak nodor lavunuch kiteak ube asat? Tumchê modlo Devan voir ubarun vhela toch Jezu, tumi sorgar vetana pollelo tosoch, porto ietolo.”