Popular Bible Verses from LOUKAS 14

Share

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

Uno uno u bym bah ïa la ka diengphna bad wan nadien jong nga, um lah ban long u synran jong nga.

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

Ha kajuh ka rukom,” U Jisu u la pynkut, “ym don uno uno na phi uba lah ban long u synran jong nga lymda u iehnoh ïa kiei kiei baroh kiba u don.

“Lada uno uno na phi u thmu ban tei ïa ka jaka ap phira, nyngkong u shong bad u kheiñ ïa ka jinglut, ban khmih la u don bun ka pisa ban pyndep ïa ka kam. Lada um don, un ym lah ban tei pyndep ïa ka jaka ap phira hadien ba u la seng nongrim; bad baroh kiba ïohi ïa kaei kaba la jia kin rkhie ïa u. ‘Une u briew u la sdang ban tei hynrei um lah ban pyndep ïa ka kam!’ kin ong.

Haba me khreh ka jingkhawai, khot sngewbha ïa kiba duk, kiba khrew, kiba dkoh, bad kiba matlah; bad men long uba la kyrkhu, namar kim lah ban siew kylliang ïa me. U Blei un siew pat ïa me ha ka sngi ba ki briew kiba bha ki mihpat na ka jingïap.”

“Ka mluh ka long kaba bha, hynrei lada ka duh noh ïa ka jingmad, ym don lynti shuh da kumno kumno ban pynbang pat ïa ka. Kam long kaba bha ïa ka khyndew lane ïa ka kynton sboh; la bret noh ïa ka. Shahshkor, te, lada phi don ki shkor!”