Popular Bible Verses from EPHESOS 5

Share

Namar phi long ki khun kiba ieit eh jong U Blei, phi dei ban long kum ma u. Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

Kumta da sumar kumno phi im. Wat im kum ki briew kiba bieit, hynrei, kum ki briew kiba stad. To pyndonkam bha ïa ki kabu baroh ba phi ïoh, namar kine ki long ki sngi kiba sniew.

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem. To ïakren iwei ïa iwei pat da ki ktien ha ki salm, ki jingrwai ïaroh bad ki jingrwai ba kynja mynsiem; da kaba rwai ki jingrwai ïaroh bad ki salm sha U Trai da ki jingïaroh ha ki dohnud jong phi. Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

Wat long kiba bieit, hynrei, pyrshang ban wad ïa kaei kaba U Trai u kwah ïa phi ban leh.

Ko ki shynrang, to ieit ïa la ki tnga kumba U Khrist u la ieit ïa ka balang bad u la ai ïa la ka jingim na ka bynta jong ka.

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai

To pyndem ïa lade iwei ha iwei pat namar ka jingsheptieng burom jong phi ïa U Khrist.

Ko ki kynthei, to pyndem ha la ki tnga, kumba ha U Trai.

Hynrei ka thew ruh ïa phi: Man u shynrang u dei ban ieit ïa la ka tnga kumba ïa lade, bad man ka kynthei ka dei ban ñiewburom ïa la u tnga.

Kumba ka Jingthoh Bakhuid ka ong, “Namar kane ka daw, u briew un iehnoh ïa la u kpa bad ïa la ka kmie bad un ïalong kawei bad la ka tnga, bad ki ar ngut kin ïalong kawei.”

Phim dei ban ïadon bynta ei ei bad ki kam bym don jingmyntoi kiba ki briew ki leh, kiba long ki kam ka jingdum. Pynban wallam ïa ki sha ka jingshai.