Popular Bible Verses from MARKA 5

Share

Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

Chun, nuhmei pakhat kum sâwmpahni thipûtin a damnaw a, dâktawr tamtak kuomah nasatakin a tuor ta a, a nei po po khawm chu a sêng zo ta a, ṭhathnem nêkin a zuol deu deu lem a.

Chuongchun, kârlovin a thipût chu a hung bo nghâl ta a, a natna chu sukdam a ni tah ti a taksa chun ân hriet ta a.

Chun, naupang kut chu a chel a, a kuoma chun,“Talitha kumi,” a ta. Chu chu, “Bawinu tho rawh ka ti che,” tina a nih.

A la ṭawng zing laiin inkhâwmna in hotu ina inthawkin mi an hung a, “I naunu a thi tah, iengdingin am inchûktirtu hi la suksâwl rawp i ta?” an ta. Isu ruok chun, an thu hril chu ngaisak lovin inkhâwmna in hotu kuoma chun, “Ṭi naw, awi el rawh,” a ta.

(Isu chun a kuomah, “Nang khawhri inthieng naw, mihriem sûnga hi suok rawh,” a lo ti nghâl ta a.) Chun, Isu chun, “I hming ieng am a na?” tîn ân dawn a. Ama chun a kuomah, “Ka hming chu Legion a nih, tamtak kan ni si a,” a ta.