Popular Bible Verses from MATTHAI 24

Share

Chun, suol a la pung ding a ni leiin mi tam lem hmangaina chu la dei a tih. Nisienlakhawm, a tâwpna chena tuor pei taphawt chu, chu ngei chu sandamin um a tih.

“Chun, hi Ram Chanchin Ṭha hi hnam po poin an hrietna dingin khawvêl po poah hrilin um a tih; chu zoa chun tâwpna chu la tlung a tih.

Chun, indo thu le indo thuthang la hrieng in ta; in lunginzîng nawna dingin fîmkhur ro; chuong chu a hung tlung ding hrim a nih; nisien- lakhawm, tâwpna chu la ni hri naw nih.

Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih. Chuong po po chu nauhase phutna a nih.

Hnuoi le vân bo a ta, ka thu ruok chu bo naw ni.

Mi tamtakin, ‘Krista chu ka nih,’ tiin keia hming sâlin hung an ta, mi tamtak an hlêm ding a ni sih a.

“Chu phâ chun rinum tuor dingin inmantir an ti cheu a, sukhlum an ti cheu a; ka hming leiin hnam po po theida nîng in tih. Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih. Zâwlnei tehlêm tamtak khawm hung suok an ta, mi tamtak hlêm an tih.

Chun, Isûn a dawn a, an kuomah, “Tukhawmin an hlêm nawna ding cheuin fîmkhur ro.

Chuleiin, nangni khawm inring zingin um ro, in ring naw hunah Mihriem Naupa a hung din g a ni sih a.

Chuongchun, ngaiven ro, ieng ni am in Lalpa a hung ding in hriet si nawh a.

“Nisienlakhawm, chu ni le a phâ thu chu Pa chau naw chun, tukhawmin, vâna vântirkohai khawmin, Naupa khawmin an hriet nawh.

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

Chun, Noa damlai ang bawk khan Mihriem Naupa hung nâwkna chu nîng a tih. Chuong ni tuilêt hmahai chun, Noa lawnga a lût ni chenin an fâkin an dâwn a, nuhmei pasal an innei hlak; tui a hung lêt a, an rênga a lâk hmang vawng hmakhat chu ieng- khawm an hriet nawh a; Mihriem Naupa hung nâwkna chu chuong ang bawk chu nîng a tih.