Popular Bible Verses from MATTHAI 2

Share

In sûngah an va lût a, a nu Mari kuoma nautê chu an hmuh a, an bawkkhup a, chibai an bûk a. Chun, an ro bâwmhai an hawng a, a kuomah lâwmna — rângkachak dâm, beraw dâm, murra dâm an pêk a.

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a, “Judahai lal hung pieng chu khâwlai am a um a? A arasi khawsak tieng kan hmuh a, ama chibai bûk dingin kan hung a nih,” an ta.

Chun, arasi chu an hmuin an hlim nasa bêk bêk a.

Herod kuoma kîr nâwk lo dingin manga hrila an um leiin, lampui dangah an khuo tieng an kîr tah a. Chun, an fe hnungin, ngai ta, Lalpa vântirko Josef kuomah a mangah ân lâr a, “Tho la, nautê le a nu ṭhuoi la, Aigupta ramah tlân hmang rawh, ka hril nâwk hmakhat che chu chutaka chun um zing rawh; Herodin nautê sukbo dingin a zawng ding a nih,” a ta.