Popular Bible Verses from INṬANNA 39

Share

LALPA chu Josef kuomah a um a; chuongchun, ama chu mi hlawtling- tak a hung ni tah a, a pu Aigupta mi ina chun a um a.

Chuongchun, a nei po po chu Josef kutah a sie tlat a, a kuoma thil um hrim hrim chu a hrietpui dêr nawh a, ama bufâk bak naw chu. Josef chu mi pien ṭhatak a nih a, a hmêl khawm a ṭha hleh a.

Chuongchun, intângna in vêng- tu chun intângna ina intânghai po po chu Josef kutah ân kawltir ta vawng a; chuongchun, chutaka an thaw taphawt chu Josef chu a thawtu a ni pei hlak a.

Chuongchun, Josef pu chun ama chu a ṭhuoi a, intângna in, lal mi intâng khuopa an umnaa chun a khum tah a, chuongchun, chutaka intângna ina chun a um tah a. Nisienlakhawm, LALPA chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

Chuong hnunga chun hieng hi a nih a, a pu nuhmei chun Josef chu dit enin a en a, “Mi zâlpui rawh,” a tih a. Ama ruok chu a nuom nawh a, a pu nuhmei kuoma chun, “Ngai ta, ka pu chun hi ina hin ka kuomah ieng ieng am a um a hriet si nawh a, a nei po po chu ka kutah a sie vawng a; hi ina hin keia nêka lien lem tukhawm an um nawh a: a nuhmei i ni leiin nang bak naw chu ka ta dingin iengkhawm inro a nei bawk nawh: chuleiin, iengtin am hi suol lientak hi thawin Pathien chungah thil suksuol thei ka ti leh?” a tih a.

Nisienlakhawm, ni khat chu, a sin chu thaw dinga in sûnga a va lût lai, chu ina mi tukhawm hrim an um naw lai chun, ama-nu chun, “Mi zâlpui rawh,” tiin a silfênah a lo man a; ama chun a silfên chu ama-nu kuta chun a tlânsan a, a suok ta dai a.