Popular Bible Verses from INṬANNA 37

Share

Chun, Josef chun mang a nei a, a uhai kuoma a hril chun ama chu an theida zuol tah a.

Chun, Israel chun Josef chu a tar tieng nau a ni leiin a nauhai po po nêk chun a hmangai lem a; chuongchun, zakawfuol rawng tamtaka ṭiel a siempêk a.

An pa chun ama chu a uhai po po nêkin a hmangai lem ti a unauhaiin an hriet chun ama chu an theida ta hleh a, ṭawngbau ṭha hrim a chungah an rawl thei ta nawh a.

Chun, mang dang a nei nâwk a, a uhai chu a hril nâwk a, “Ngai ta u, mang ka nei nâwk a, nisa, thla le arasi sâwmpakhat khin chibai an mi lo bûk chu tie,” a tih a.

Chun, a uhai chun ama chu an îtthîk a, a pa ruok chun a thuhril chu lungrilin a vawn zing a.

Ama chun an kuomah, “Lungin- siettakin ka mang thu hi lo ngai ro: ngai ta u, loa hin buphalhai ei lo intêl a, ngai ta u, ka buphal chu a hung tho a, a ngîr ta a; in buphalhai chun an hung inhuol a, ka buphal chu chibai an bûk tâwl a,” a tih a.

Thaw ro, that ei ta, khur pakhatah thlâk ei tiu khai; chun, ‘Sain a se tah,’ ei ti el ding annâwm: chuongchun, a manghai chu ieng- tin am a um hre el ei tih,” an inti tâwl a.

Chun, Midian mihai sumdâwng an hung a; chuongchun, Josef chu khura inthawk chu an khai suok a, Ismael mihai kuoma chun Josef chu tangka sawmhniin an zawr tah a, anni chun Josef chu Aiguptaah an ṭhuoi tah a.

“En ta u, mang neipa a hung saw.

Anni chun hlataka inthawkin an lo hmuh a, an kâwl hnai a tlung hmain ama thatna ding thu an lo rawt tah a.

Reuben bawk chun a pa kuoma ṭhuoi nâwkna dinga an kuta inthawk chu a sansuok theina dingin, an kuoma chun, “Thisen chu insuo naw ro, thlalêra khura hin thlâk unla, kut chu a chunga hin thlâk naw ro,” a tih a.