Popular Bible Verses from INṬANNA 17

Share

Chun, Abram chu kum sawm- kuo pakuo mi a niin LALPA chu Abram kuomah a hung inlâr a, a kuomah, “Kei Pathien Iengkim- thawthei ka nih, ka hmaah um la, ṭha famkimin um rawh.

I hming khawm Abram ni ta naw nih a, i hming chu Abraham ni ta lem a tih, chi tamtak thlatu dingin ka siem ta che hi.

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

“Ngai ta, kei chun ka thuthlung chu i kuomah a nih ka thlung chu: chuongchun, chi tum tum, chi tamtak thlatu ni tâng i tih.

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kum- khaw ro dingin ka pêk ding cheu a nih; chun kei hi an Pathien nîng ka tih,” a tih a.

Chuongchun, Abraham chu a bawkkhup a, ân nui a, a lungrilin, “Kum za mi hin nau a nei ding am a nih? Sara kum sawmkuo mi chun nau a nei ding am a nih?” a ta.

Chun, Pathien bawkin Abra- ham kuomah, “I nuhmei Sarai chu a hmingah Sarai ti ta naw ti nih a, a hming chu Sara ti ni ta lem a tih.

Chuongchun, in ser hmawr vuna chun sertanin in um ding a nih; chu chu nang le ei inkâra thuthlung inchikna chu nîng a tih.

Ka thuthlung ruok chu, Sarain kum nâwk hieng ang huna a neipêk ding che, Isak chungah sukdet lem ka tih,” a tih a.

Nangni laia ni riet mi chu in thla sâwng peihai chen khawmin, i thla ni kher lo, i ina pieng amani khawm, mikhuol kuoma tangka suma inchâwk amani khawm, pasal taphawt chu ser tan ding a nih. I ina pieng le i tangka suma i închâwk khawm ser tan ngei ding a nih: chuongchun, ka thuthlung chu kumkhaw thuthlung dingin in tisaa chun um tâng a tih.