Popular Bible Verses from Nnwom 103

Share

Me kra, hyira AWURADE, na mma wo werɛ mmfiri ne nneyɛɛ pa nyinaa.

Ɔno na ɔde wo mfomsoɔ nyinaa kyɛ woɔ, na ɔsa wo nyarewa nyinaa. Ɔgye wo nkwa firi Amena mu, ɔde adɔeɛ ne mmɔborɔhunu bɔ wo abotire. Ɔde adepa hyɛ w’afono ma na wo mmeranteberɛ yɛ foforɔ sɛ ɔkɔdeɛ.

Me kra, hyira AWURADE, na me mu adeɛ nyinaa nhyira ne din kronkron.

Sɛ agya yam hyehye no ne mma ho no, sɛ AWURADE yam yɛ no wɔn a wɔsuro no ho ne no.

Sɛ apueeɛ ne atɔeɛ ntam ware no, sɛ wama yɛn ne yɛn mmarato ntam aware ne no.

Mmɔborɔhunufoɔ ne ɔdomfoɔ ne AWURADE, ne bo kyɛre fu, na n’adɔeɛ dɔɔso.

Ɔnsusu yɛn bɔne so ne yɛn nni, na ɔnhwɛ yɛn mfomsoɔ nhyɛ yɛn ananmu. Na sɛ ɔsoro ware sene asase no, sɛ n’adɔeɛ so, wɔn a wɔsuro no soɔ ne no.

AWURADE de n’adwa asi soro, na n’ahennie di ade nyinaa so.