Popular Bible Verses from Gyenesis 32

Share

Na ɔkaa sɛ: Wɔremfrɛ wo din Yakob bio, na wɔbɛfrɛ no Israel, ɛfiri sɛ wo ne Onyankopɔn ne nnipa ako, na woatumi.

Na ɔbarima no kaa sɛ: Ma menkɔ, na adeɛ rekye. Na Yakob buaa sɛ: Meremma wonkɔ gye sɛ wohyira me.

Na ɛkaa Yakob nko ara. Na ɔbarima bi ne no bɛtentamee kɔduruu adekyeeɛ.

Na Yakob too ɛhɔ din Peni-el, ɛfiri sɛ ɔse: Me ne Onyankopɔn adi nhunuanimu, nso me kra anya nkwa.

Na ɔbarima no hunuu sɛ ɔntumi no no, ɔkaa n’asene tokuro mu, na Yakob dwonku hwanee tentam a ɔne no tentameeɛ no mu.

Na ɔbarima no bisaa no sɛ: Wo din de sɛn? Na ɔbuaa sɛ: Yakob.

Na Yakob bisaa no sɛ: Mesrɛ wo, kyerɛ me wo din. Na ɔse: Adɛn nti na worebisa me din? Na ɔbarima no hyiraa no wɔ hɔ.

w’adɔeɛ ne wo nokorɛ a wode akyerɛ w’akoa yi mu biara nsɛ me, ɛfiri sɛ mede me poma na metwaa Yordan yi, na afei mayɛ akuo mmienu.

Enti Israelfoɔ nni ntini a ɛwɔ asene mu akwaa tokuro mu no de bɛduru nnɛ, ɛfiri sɛ ɔkaa Yakob dwonkuo tokuro mu, n’asene mu ntini no so.

Na Yakob kaa sɛ: M’agya Abraham Nyankopɔn ne m’agya Isak Nyankopɔn, AWURADE a wosee me sɛ: Sane kɔ w’asase so ne w’abusua mu, na mɛyɛ wo yie no

Mesrɛ wo, yi me firi me nua Esau nsam, ɛfiri sɛ mesuro no sɛ ɔbɛba abɛku me, ne ɛnanom ne wɔn mma nyinaa.