Popular Bible Verses from 1 Korintofoɔ 12

Share

Nanso wɔma Honhom no yi ne ho adi wɔn mu biara mu, na ayɛ yie.

Na mo nso moyɛ Kristo nipadua ne akwaa mmaako mmaako.

Na sɛ kwaa baako hunu amane a, akwaa no nyinaa hunu bi; sɛ nso wɔhyɛ kwaa baako animuonyam a, akwaa no nyinaa ne no bom ani gye.

Na wɔnam Honhom no so ma obi anyansasɛnka; obi nso wɔma no nimdeɛsɛnka, sɛdeɛ Honhom korɔ no ara pɛ. Ɔfoforɔ nso wɔma no gyidie, Honhom korɔ no ara mu; obi nso wɔma no ayaresa adom akyɛdeɛ, Honhom korɔ no ara mu. Obi nso wɔma no tumideɛyɛ; obi nso wɔma no nkɔmhyɛ. Obi nso wɔma no honhom ahodoɔ mu nhunumu, obi nso wɔma no kasa ahodoɔ, obi nso wɔma no kasa ahodoɔ nkyerɛaseɛ.

Na yeinom nyinaa Honhom korɔ no ara na ɔyɛ, na ɔkyekyɛ ma wɔn mmaako mmaako sɛdeɛ ɔpɛ.

na mpaepaemu amma nipadua mu, na mmom akwaa no adwennwene ade korɔ ama wɔn ho wɔn ho.

Na adom akyɛdeɛ gu ahodoɔ, nanso Honhom korɔ no ara a. Na ɔsom nnwuma nso gu ahodoɔ, nanso Awurade korɔ no ara a. Na dwumadie nso gu ahodoɔ, nanso Onyankopɔn korɔ no ara na ɔdi dwuma no nyinaa wɔn nyinaa mu.

Na Onyankopɔn de ebinom asi asafo no mu, deɛ ɛdi kan, sɛ asomafoɔ, deɛ ɛtɔ so mmienu, adiyifoɔ, deɛ ɛtɔ so mmiɛnsa, akyerɛkyerɛfoɔ, bio nso tumideɛ, ne ayaresa adom akyɛdeɛ, aboafoɔ, mpaninnie, kasa ahodoɔ.

Na nipadua nso nyɛ akwaa baako, na ɛyɛ bebree.

Na mmom nipadua ho akwaa a ɛyɛ yɛn sɛ ɛyɛ mmerɛ koraa no, ɛno na ɛho hia.

Sɛ nipadua nyinaa yɛɛ ani a, anka ɔteɛ wɔ he? Sɛ ne nyinaa yɛɛ ɔteɛ a, anka ohua wɔ he? Na Onyankopɔn de akwaa no asisi nipadua ho mmaako mmaako, sɛdeɛ ɔpɛ. Na sɛ ne nyinaa yɛɛ kwaa baako a, anka nipadua wɔ he?