Popular Bible Verses from Yohana 6

Share

Yesu a miɗiɗi: Ta mu peŋ n'a sa suŋfa, ni n'a halasi sa, wiyamai aga te zaŋ kir kai, ni n'a yima wara sai aga te zaŋ kir kaalai.

A sa suŋfa ɗa a Seze, neŋ-si ɗa a nafa wala kai. Seŋ n'a mu miɗiŋki hanɗa a Seze, a suŋfa lai.

Ki zi sɗa burini simi n'a vada edi ɗa kai, amma burini n'a na haa sini suŋfa n'a vada kai. Simi na Ahini ɗif aga a siŋki buri ɓa A ni n'Api Alaw a tika tanpoŋni miɗini.

Buri dirini apa a na ɗa ɓa: Asiya ɗi paŋ n'a tala ahi li, a ɗiya yimini li warni lai ɗa, a nava suŋfa n'a vada kai, Ta aga mu ɵiyaŋ amai war mefeŋ na asakal.

Yesu a waya seŋ a miɗiɗi: Sdani Alaw a na ɗa ɓa, ki yimi warni Ni n'a ɵinaŋsi.

N'Apa a saŋa paŋ aga a halasi sa. Ni n'a halasi li sa ɗa aga mu birgaŋ edi duk kai zaŋ.

Simun Peter a waya seŋ a miɗini: Epiɗ-ɗai, tiyi kapai mi hili pini asiya ɗa? Seŋ n'a sa suŋfa n'a vada kai ɗa aŋ muku koo!

Peŋ na karni n'a halasi amai par ɗa Mu ta, ɗif n'a luma peŋ hanɗa li ɗa, aga a sumna karni pra. Peŋ na ta aga mu siŋni ɗa, a neŋ-sa kapai ɗai na yai e simni karɗi gaini.

Ɗif a kiɗa a halasi sa kai na ɓa Api a gidiyaŋsi kai ɗa, nɵa aga mu ɵiyaŋ amai war mefeŋ na asakal.

Buri ɓa peŋ n'Alaw a saŋ ɗa, a n'a halasi amai par aŋ sa suŋfa wiiɗi ɗai na warɗi yai ɗa.

Ta mu peŋ n'a sa suŋfa, tamaiki e simi mana edi war basga na kaɗatan, e mri lai.

Yesu a mula peŋ ɗa, a sa tese, a ɓurwaŋ wiiɗi nagai n'e ɗa taaha ɗa, a za gaini hilif ɗa nɵa lai, e nivi paŋ maini n'e diri nɵa. Won hlai n'e vi li paŋ, a miɗiɗi wiiɗi ɗaini zi hitri: Pini n'a hina ki tipiŋ amai kapai wala a ba kai.

Asakal na ɗai zi hitri e fili haa a za kilometir ɵim zaw ɵaara ɗi ɗa, e tili ɗa Yesu a na midini yem blaŋ, a n'a halasi sini hulum n'abai ɗa sek, hunai a yimiɗi. Amma a miɗiɗi: Mu ta, ki hûni kai.