Popular Bible Verses from Pi zi tiki 50

Share

Tiki ki firyi ki ziŋa meefeŋ, Alaw a bundaŋ aŋ pɗem. Gaini hanɗa a kora suŋfa na wiiɗi ɗai viya maini n'a va amai girna na nɵa.

Yosef a wiyiɗi seŋ: Ki hûni duk kai, ta mu bunda war balamni Alaw ɗi?

Wuzamu sek ɗa ki hûni kai, aga mu tika hangala siki gaiɗi aliki paŋ. A tikiɗi agulɗi azumai gaini seŋ na pɗamai hanɗa, a siɗi arai zi pi lai.

Aga ki miɗini wiini Yosef ɓa: Za barka hina hi n'amai midini gadai na wiiɗi tawalakaiku gaini tuwur na wiiɗi tawalakaiku n'e ziŋ suku paŋ lai. A jre e zi meefeŋ suku azi viya, amma za barka, hiniɗi hi n'amai midini gadai na bagakai na wiini Alaw na wiini apuku e ziŋ suku ɗa. Won hlai n'e miɗini seŋ hanɗa, Yosef a tuwa.

Yosef a miɗiɗi wiiɗi tawalakaini: aga mu mra, Alaw aga a lûwiki ɗuwal, aga a milkiɗi edi midini afti hanɗa par aŋ kiki amai midini afti n'a ɵina ha miɗini gaini wala zi hi miy n'a haŋ sini Abraham, sin Isaak, sini Yakob lai.

Asakal par Yosef a miɗiɗi wiiɗi aliɗi Izrayel buri e hi wala miɗi maini nɵa: Won hlai n'Alaw a luwiyi ɗuwal li, won hlai n'aga mi hili ɗi edi war Egipte na par, aga mi mili keɵkeku tiyi.

Yosef a mra war buza miya gai doogo. E girdini wala sini kapai a hofa kai, e tikiŋ war kes aha war Egipte.