Popular Bible Verses from Lk 14

Share

Ngë mod ziṅ azu abë ma, nyè të siṅ esya ai nyia, ai ngal, ai bòn, ai babënyaṅ, ai bëkal, ai enyiṅ dzie eben, e nyòlò te asëki dzam bò ṅyègè wama.

E mod abëgë ki klos dzie angawulu ma a zut, asëki dzam bò ṅyègè wama.

Amu e mod osë abede emen ayi dzòdiban; e nyò ki adzòdi emen ayi bedëban.

Nala hm ngò e mod osë ya abë mina adzoge ki byem bi mò bie bisë asëki dzam bò ṅyègè wama.

Za ya abë mina, eyòṅ ayi na aloṅ nkum, atari ki tòbò a si, amana bò taṅ, ayënë ngë ayi dzò mana loṅ? Aza kë bò na, ṅnyie anë abëm ya mëkòg a si, tègè fë ai e ngul amana mëloṅ. E bod bësë ya bayen dò bayi kèè na bakpëlë nyè, bò na: E mod nyò angakèè mëloṅ, ndò andzëki bi ngul ya amana.

Dzam da, eyòṅ wabò dina, loege mimbubua, mintèd, miṅyëyëm, mindindim; Mvòm yayi bò ai wa, amu babëlë ki e dzom badugan wa afaṅ doe ete, amu bayi wa dò dugan a akui-lë sòṅ bësosoo bë bod.

Nku onë mbëṅ. Hë da, ngë nku ohë kë sole, onë fë ai mfi dze? *Osëki fë ai mfi tò asu si, tò asu akun. Bawoa wò a nsëṅ. E mod abëlë mëlò ya awog, awogo!