Popular Bible Verses from Hebrai 6

Share

Mä-ai üng hing saite tähang tui sangphaw aeca hai nae süng käleng kätyng hini aethang khai saite lä mä-ai tähang awng te vi. Honi lä mä-ai üng bälung tea cakhi hai saite vi. Honi cakhi hai saite lä Känipre Ingkäcai käleng thung-a jaeky saite känih käsa te mang hai mityng käcaiky-a nähai haw te vi. Hini aethang khai saite lä Isu Khrista vi dy.

Säthaw lä cüng jawjaw te vi. Äma üng khimi na tea nang ce ma säbawng pyng saite na hai säbawng jawjaw saite na tea lä Säthaw ma aedawng haile tyng te vi. Nang ce lä Säthaw tea bälung aevaw ö kha äni tähang kälu sa saite tea äni lä tämang te y.

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

Tukätephüng-a angcü üng Khrista phüng mätu saite na tea khaisö kha yng te ryng hai hethang mätu saite na tea mä-ai lä ly ö si. Mä-ai üng yng saite aenyng nae tea lä mätu haile tyng hethang aely ngai te y lyng.