Popular Bible Verses from Hebrai 13

Share

Nang ce lä tangkae na dang mang hethang bädö ö hang. Nang mä ce tea awng saite rytä hai bälung kawng te hai-a awng ö. Ätephüng-a mei nädylä Säthaw lä, “Kai lä nang bung makäte kätü-a la khaisö y lyng. Manila nang bung käde phae y lyng” näkha nä vi.

Isu Khrista lä jangni üng hai, vaini la, dungtäsa la lang te awng y vi.

Tukätephüng-a, “Areng lä kai tea säbawng te phüng, kai lä ri y lyng. Khimi ce ma kai tea ätemakä sa haw ai mei” näkha, mä-ai lä ae-y khü te bälung hai thui haw te vi.

Hawi saite kälu tea sa kha lawngtä tea lawngtä aesäbawng hethang lä tämang ö hang. Hini na lä Säthaw tea bälung kawng hai saite löci aesa te na phüng-a vi.

Tukätephüng-a mä-ai lä Isu hai-a Säthaw tea bälaw te hai löci sa jawjaw ö si. Honi löci lä, “Säthaw lä Areng vi” näkha mä-ai üng täbawng na hai thui saite lä Säthaw tea mä-ai üng löci sa te vi.

Khimi angxynlyng na lä ingthawng sa te tea tämö khai ö hethang kae. Nawngpui ni nawngpaw lä lawng lawngtä tea bälung ae-y khü hethang kae. Säthaw lä khimi kälang na üng nawngpui nawngpaw na hai sa tämang kha täkübäjang sa saite na tea lä deng py vi ai.

Angvüng na bung nang ce üng ing-a lady hethang tämang ö hang. Honi kätyng sa saite khimi phütä na lä mäny y käla ma Känipre üng angtawtha na tea lady ö vai te vi dy.

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi. Säthaw üng aely kängai sa hethang äni lä nang ce tea kähawi angxynlyng na py hethang kai lä aetang pa te vi. Säthaw tea bälung kawng hai saite mä-ai üng bälung thung-a Isu Khrista hai-a äni ma sa haw sy. Isu Khrista tea lä dungtäsa phung-ang aesang te awng jawjaw sy. Amen.