Popular Bible Verses from 1 Peterae 4

Share

Äte angxynlyng na üng aely lengky te lä, lawng lawngtä tea bälung aevaw tätang saite vi. Ätephüng-a mei nädylä, nang ce üng bälung aevaw saite lä awng mang te hunghö na tea bälawi haw te vi.

Khimi qütä tea lä Säthaw ma py te sakaw saite cawngkhang na awng qi ö te vi. Nang ce üng sakaw saite na lä khimi kälang na tea säbawng hethang kähawi-a rui khü saite khimi na kätyng tawng ö qi hethang kae.

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.

Tungaila nang ce lä Khristen lawng te phüng-a, mätang bälaica dylä, saerae ö hang. Nang ce lä Khrista üng ämüng awng te phüng-a, Säthaw tea bälaw ö.

Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

Yng saite rawijae na ä, nang ce lä mätang bälai saite hai-a nawphi saite käny te phüng tea lä cangxei ö hang. Nang ce tea langsei-a tyng saite na tea lä dawng ö hang. Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.

Jawsi saite lo thui y käla, nang ma ce tingtawi ingthung-a lady ö.

Tukätephüng-a, Säthaw üng aely kängai phüng-a, mätang bälai saite khimi na lä kähawi sa jawjaw ö hethang kae. Äni ce lä äma ce bung sa saite Säthaw tea cungrü-a ae-y ö hethang kae. Säthaw lä äma üng aedo saite lo kätyng sa te vi.

Khrista lä äma üng ätabung mätang bälai te phüng-a, mä-ai la äni üng bälung kaedawng kätyng awng hethang aerü rüng ö. Ätephüng-a mei nädylä, äma üng ätabung-a mätang bälai saite khimi lä hunghö hai aesui jawjaw te y vi dy. Vaihi üng hai älawngpre-a nang ce üng hing saite kätü-a, nang ma ce üng ngaiphi tüng y saite kätyng awng hethang kae y. Säthaw üng aely kängai tähang hing ö lawi.

Nang ce lä Khrista leithung hui saite na lawng te phüng-a, khimi ce ma käsi prawng dylä, anghawtho ö. Säthaw üng phung-ang awng saite Muilaw Käcai lä nang ce hai mangtä awng vi näte nang ce lä hini hai-a mäny haw ö te vi.