Popular Bible Verses from 1 Peterae 1

Share

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi. Säthaw ma mä-ai tähang lä Känipre ingthawng khai pa te vi dy. Honi lä pra haw y, täphra haw y, la ja haw y.

Tukätephüng-a nang ce lä tengxyng y anghawtho ö lawi ba. Nang ce lä vaihi älang cawngkhang na hai, mätang bälai saite hai säny saite aeting te phüng-a, tänaetä tähang bälungsi ö te vi. Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

Honi jüng-a nang ce bung re saite Säthaw lä cai te kätyng nang ce sa saite angxynlyng na la cai ö lawi. Tukätephüng-a Caekäcai thung-a, “Kai lä cai te phüng-a, nang ce la cai ö” näkha näte vi.

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

Tukätephüng-a Caekäcai thung-a, “Khimi angxynlyng na lä aeca kung kätyng vi. Äni ce angxynlyng üng ämaw äcae lä tänaetä ma rawng raw saite daithung üng äpa na kätyng vi. Aeca kung lä cei kha äpa na lä qui te vi. Tungaila Säthaw üng lo lä dungtäsa awng te vi.” Hini älo lä khimi ce ma nang ce tea thui saite Angthang Kähawi vi dy.