Popular Bible Verses from DIPESALEME 119

Share

Lefoko la gago ke lobone lwa dinao tsa me, le lesedi la tsela ya me.

Ke bolokile Lefoko la gago mo pelong ya me gore ke se ka ka go leofela.

Lekau le ka boloka bophepa jwa tsela ya lone jang? Ka go e lebanya le Lefoko la gago.

Go sego ba ba tlhokomelang ditshupo tsa gagwe, ba ba mmatlang ka pelo yotlhe

O tshireletso ya me le thebe ya me; ke lebeletse Lefoko la gago.

Nnaya tlhaloganyo, ke tle ke boloke molao wa gago, ke o tlhokomele ka pelo yotlhe.

Sekegela pelo ya me kwa ditshupong tsa gago, mme e seng kwa boikhumisong.

Go ne go le molemo mo go nna go kokobediwa gore ke ithute melao ya gago.

Ke yona kgomotso ya me mo pogisegong ya me, fa tsholofetso ya gago e mphedisa.

Ntsamaise mo tseleng ya ditaelo tsa gago; gonne e a nkgatlha.

MORENA, nthute tsela ya melao ya gago, mme ke tla e tseela ruri go ya bokhutlong.

Mowa wa me o ntsha dikeledi ka ntlha ya bohutsana, nnamolola ka fa Lefokong la gago.

Molao wa gago ke o rata thata jang! Ke o akanya letsatsi lotlhe.